CARACOL E SENDA DE AVENTURAS POR CERVANTES!

Non vos perdades este cómic! É unha marabilla!

Parabéns ao alumnado de Infantil e á súa profe Vero por este traballo tan ben feito e tan bonito!

Vai levar o premio, seguro!

  

AUDIOLIBRO "IMOS BUSCAR UN TESOURO"

Que marabilla de audiolibro!

O alumnado de 5º e 6º de Primaria e o seu profe Pablo fixeron un traballo ben fermoso!

Parabens!! 

ENTREVISTA Á FUNDADORA DE CROMOSOMOSX

Imos escoitar a Mariña, fundadora de CromosomosX, a ONG coa que estamos colaborando desde o proxecto "Todas e mellor".

Moitas grazas, Mariña, por vir ao noso cole, pola túa ONG, que é unha "fantasía", e por esta entrevista tan entrañable!

RADIO CASTAÑA · ENTREVISTA A MARIÑA DE CROMOSOMOSX

COÑECENDO E COLABORANDO COA ONG CROMOSOMOSX

No noso cole estamos cun proxecto de aprendizaxe-servizo moi especial!

A nosa profe de Bioloxía, Sara, é colaboradora dunha ONG, CromosomosX, que traballa  pola erradicación da pobreza e dos tabúes na menstruación. Imparten obradoiros en educación menstrual para quen non ten acceso, e distribúen produtos menstruales para quen non pode pagalos. 

O noso alumnado estivo investigando sobre o traballo desta ONG, e preparou esta entrevista sorpresa.

Moitas grazas, Sara, especialmente polo teu traballo nesta ONG, que fai que moitas nenas poidan ir á escola tamén os días que teñen a regla, e moitas grazas por todo o que nos contas nesta entrevista!

RADIO CASTAÑA · ENTREVISTA A SARA DE CROMOSOMOSX

PODCAST SOBRE ALIMENTACIÓN SAUDABLE

Novo podcast de Radio Castaña!

Nesta ocasión o alumnado de 1º e 3º de ESO preséntanos o resultado do seu proxecto realizado nas materias de Bioloxía e Lingua Castelá, coa colaboración da biblioteca escolar.

Non volo perdades! A alimentación é moi importante, e este alumnado noso está moi ben informado!

  

RADIO CASTAÑA · ALIMENTACIÓN SALUDABLE

OBRADOIRO DE ROBÓTICA

Que ben o pasamos con este obradoiro! E canto aprendemos!

Primeiro, montamos o escornabot, e logo, xogamos! Fomos piratas ecoloxistas, e limpamos os océanos de plástico!

Moitas grazas ás familias, por ser e por estar! Sodes fantásticas! Moitas grazas aos profes e ás profes que vos animastes a participar! E moitas grazas a Almudena e a Elena, de competenciadixital , por vir a Cervantes a traernos esta actividade de tecnoloxía educativa tan divertida!

E moitas grazas ao CFR de Lugo pola axuda aportada, tanto no financiamento como na asesoría desta actividade formativa para familias!

 

CELEBRAMOS O DÍA DO CÓMIC!

Hoxe na nosa biblioteca escolar tivemos un club de lectura arredor do cómic! 

Banda deseñada para todas as idades, e para todos os gustos!